يا بيي

يا بيي؛ امبارح ذكرتك

ع طاولة مربعة اعتبرتك

عم تمر صوبي  وبصَوابعي  دقرتك...

يا بيي ؛ ارجعت اكتب

إسهال فكري عم ببصق

سبع سنين ما صدقت عيونا

غيابي فيها دق وشم ع زنودا

يا بيي كنت اكتبلك

وشقلباتي الطفولية تعاتبلك 

يا بيي تعا شوي

اغمرني شوي

خليني أوثق انو الحب منو كرجة ميّ

منو إلا لحن حيّ

بقعة فيّ

تحت جناحك بدندنلك...

يا بيي روح وقلن

انقلن

عبرلن

أدي  القوة والضعف عم يسرقلن

الحياة الوحيدة إلي بِتْتقدملن

على طبق من دهب

يا بيي؛ ما تطوّل الغياب والتعداد

رجاع شق عليي

وقللي انو الدنيا حلوة

أحلى من ألف حكاية لشهريار وشهرذاد..

اشتقتلك...