اعتراف

هلق رجعت عل البيت
كنت عم بحكي مع البحر

"هيك بتغيبي عني؟"


رجع يلومني..
و كنت مفكرة انّو اللّوم احتكار للبشر
للمادة والحجر

اعترفلي انّو هو بحاجة الي
وانّو البعد مش من القدر


وانا وهونيك
دلّني ع مجنونة
كانت عم ترمي صبّاط رجّالي بالمي
قرّبت عندا و سألتا عن السّبب
ولما تقلي انها عم تكبّ الحظ البشع للأمواج،
فهمتْ أدي عم بعاني
بحري..

و أديش افتقدلي بعتمة هالّيل
وبصبحة هل الأيام الرايقة


و أنا كنتْ عم قول ليش الهوا عم بهبّ هل المدّة!!