كمشة غبرة

مشتاقة..
مشتاقة كتير و الحكي بطّل بدو يطلع.
لح تسألوني مين سعيد الحظ؟
لح جاوب بكلّ أنانيّة و حبّ و أمل

مش إنسان هو،
هو كيان مكوّن من لآلئ متناثرة
بتغمرها تراب استعار لونه من الذّهب.

مشتاقة لكلّ شخص مرّ بحياتي و ما عطاني جواب.
أو رحل بدون ما ياخد سكينتي معو.
مشتاقة لكلّ صورة انرسمتْ على حيط معجوء أو على بحر جاف
مشتاقة لرفاق زمان و أستاذ ما عم بقدرْ شيلو من راسي
و لبيْتنا القديم ، و باص مدرستي كمان.

مشتاقة إعترف، و نام
هيدي أنا..
انتميتْ لعالم جرّدْني من كلّ أحاسيسي و عواطفي.
اشتركتْ و فزتْ بهل التّحدّي الصّخراوي.
مشتاقة إسكُتْ لمرّة واحدة و إنسى إنّو لا بدّ إنو إنسى..

بس بهل الوقت الحالي،
أنا مشتاقة...